‎     ಸಿಯೋನ್ ಆಶ್ರಮಾಚೊ ಸಿಬ್ಬಂದಿ ಮಾನೆಸ್ತ್ ರಿತೇಶ್ ಡಿಸೋಜಾನ್ ಸರ್ವಾಂಕ್ ಸ್ವಾಗತ್ ಕೆಲೊ ಆನಿ ಸಿಯೋನ್ ಆಶ್ರಮಾಚಿ ಮಟ್ವಿ ಪರಿಚಯ್ ದಿಲಿ. 

 ಉಪ್ರಾಂತ್ ಬೊ| ಮಾ| ಐವನ್ ಬಾಪಾನಿಂ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. "ದಾನ್ ಧರ್ಮ್ ಕರ್ತಾನಾ ಅನಾಥಾಂಕ್, ನಿರ್ಗತಿಕಾಂಕ್ ಕೆಲ್ಯಾರ್ ಪುನರ್ ಜಿವಂತ್‌ಪಣಾಂ ವೆಳಾರ್ ಆಮ್ಕಾಂ ಸರ್ಗಾರ್ ಖಂಡಿತ್ ಇನಾಮ್ ಆಸ್ತೆಲೆಂ" ಮ್ಹಳ್ಳೊ ಸಂದೇಶ್ ದಿಲೊ. ಆನಿ ಆಶ್ರಮಾಚ್ಯಾ ಸರ್ವ್ ನಿವಾಸ್ಯಾಂ ಪಾಸೊತ್, ವಾವ್ರ್ ಕರ್ಚ್ಯಾ ಸರ್ವ್ ಸಿಬ್ಬಂದಿ ಪಾಸೊತ್ ತಶೆಂಚ್ ಸರ್ವ್ ದಾನಿಂ ಪಾಸೊತ್  ಮಾಗ್ಣಿಂ ಭೆಟಯ್ಲಿಂ. 

 ಮಿಸಾ ಉಪ್ರಾಂತ್ ಮಟ್ವೆಂ ಉಲ್ಲಾಸುಂಚೆ ಕಾರ್ಯೆಂ ಆಶ್ರಮಾಚ್ಯಾ ಸಾಲಾಂತ್ ಮಾಂಡುನ್ ಹಾಡ್ಲೆಂ.   ಆಶ್ರಮಾಚೊ ಟ್ರಸ್ಟಿ ಡೊ| ಪೌಲೊಸ್ ಹಾಣಿಂ ಬಾ| ಐವನಾಕ್ ರುಪ್ಯೊತ್ಸವಾಚ್ಯಾ ಸಂದರ್ಭಾರ್ ಬೊರೆಂ ಮಾಗೊನ್ ಮಾನ್ ಕೆಲೊ. 

ಬಾ| ಐವನ್ ಹಾಣಿಂ ತಾಂಚೊ ರುಪ್ಯೊತ್ಸವಾಚೊ ಸಂಭ್ರಮ್ ಆಶ್ರಮಾಂತ್ ಆಚರಣ್ ಕರುಂಕ್ ಆವ್ಕಾಸ್ ಕರ್ನ್ ದಿಲ್ಲ್ಯಾಕ್ ಸಂಸ್ಥ್ಯಾಚೊ ಉಪ್ಕಾರ್ ಬಾವುಡ್ಲೊ.

 ಬಾ| ಐವನಾಚ್ಯಾ ರುಪ್ಯೊತ್ಸವ್ ಸಂದರ್ಭಾರ್ ತಾಂಕಾ ತಾಚ್ಯಾ ಕುಟ್ಮಾಚ್ಯಾನಿಂ , ಅಭಿಮಾನಿ  ಇನಾಮ್ ಜಾವ್ನ್ ದಿಲ್ಲೊ ಐವಜ್ ತಶೆಂಸ್ ವಿಟ್ಲ  ಫಿರ್ಗಜ್‌ಗಾರಾಂನಿ ಸಿಯೋನ್ ಆಶ್ರಮ ಖಾತಿರ್  ದಿಲ್ಲೊ ಐವಜ್ ಸಾಂಗಾತಾ ಗಾಲ್ನ್  ರು. ತೀನ್ ಲಾಕ್ ಆನಿ ತೀಸ್ ಹಜಾರಾಂಚಿ  ಖಾಣಾ - ವೊರ್ವಿ ಆಶ್ರಮಾಕ್ ಪಾವಿತ್ ಕೆಲೆಂ. 

ಬಾ|ಐವನ್ ಹಾಂಚ್ಯಾ ರುಪ್ಯೊತ್ಸವ್ ಸಂದರ್ಭಾರ್ ಸರ್ವ್ ಆಶ್ರಮ್ ನಿವಾಸಿಂಕ್ ಬಾ| ಐವನ್ ಹಾಂಚ್ಯಾ ತರ್ಫೆನ್ ದೊನ್ಪರಾಂಚ್ಯಾ  ಜೆವ್ಣಾಚಿ ಮಾಂಡಾವಳ್ ಆಸಾ ಕೆಲ್ಲಿ. 

ಅಶೆಂ ಸರ್ವಾಂಚಾ ಸಹಕಾರಾನ್ ಸಿಯೋನ್ ಆಶ್ರಮಾಚಿ ಭೆಟ್ ಸದಾಂಚ್ ಉಗ್ಡಾಸ್ ಉರ್ಚೆಂ ತಸಲೆಂ ಜಾಂವ್ಕ್ ಪಾವ್ಲೆಂ.

Photo Gallery's:  👉🏻 https://drive.google.com/drive/folders/1LbGIa4Jv1JR03iZip5Pyl7onbd4tVyhJ?usp=sharing

 👉🏻 https://drive.google.com/drive/folders/1a-oEAKkC9p-FVlqqSxs6_oZla4Wkqhas?usp=drive_link