ಆಮ್ಕಾಂ ಝಡಾಂ ಲಾಂವ್ಚಿ ಎಕ್ ಬರಿ ಸವಯ್ ಆಸೊಂಕ್ ಜಾಯ್.ಆಮ್ಚ್ಯಾ ಪರಿಸರಾಂತ್ ಝಡಾಂ ಲಾಯ್ಲ್ಯಾರ್ ಮಾತ್ರ್ ಪಾವಾನಾಂ ಮುಕ್ಲ್ಯಾ ದಿಸಾನಿಂ ತಾಂತುನ್ ಫಳಾಂ ಜಾಂವ್ಚೆ ಬರಿ ತಾಚೊ ಪೋಸ್ ಕರುಂಕ್ ಜಾಯ್ ಮ್ಹಣ್ ವೆದಿ ಕಾರ್ಯಾಂತ್ ಆತ್ಮಿಕ್ ನಿರ್ದೇಶಕ್ ಫಿರ್ಗಜ್ ವಿಗಾರ್ ಮಾ|ಬಾ| ಮೈಕಲ್ ಲೋಬೋನ್ ಸಂದೇಶ್ ದಿಲೊ.

      ಬಾ | ಅಮಿತ್ ಹಾಣಿಂ ಅಜ್ ಅಸಮತೋಲಿತ್ ಪರಿಸರ ವರ್ವಿಂ ಪಾವ್ಸ್ ಉಣೊ ಜಾಲಾ, ದಗ್ ಚಡ್ಲ್ಯಾ, ಹೆಂ ಆಮಿಂ ಅನ್ಭೊವ್ ಕರ್ನ್ ಆಸಾಂವ್. ದೆಕುನ್ ಝಡಾಂ ಲಾವ್ನ್ ಪ್ರಕೃತಿ ಸಾಂಬಾಳ್ಯಾಂ ಮ್ಹಳ್ಳೊ ಸಂದೇಶ್ ದಿಲೊ.

     ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚ್ಯಾ ಕಾರ್ಯಕಾರಿ ಸಮಿತಿ ಸಾಂದ್ಯಾಂಕ್, ಸರ್ವ್ ಸಂಘ್ ಸಂಸ್ಥ್ಯಾಚಾ ಸಚೇತಕಾಂಕ್ ಆನಿ ಫಿರ್ಗಜ್ ಲೊಕಾಂಕ್ ಫಳ್- ವಸ್ತುಂಚಿ ಝಡಾಂ ವಾಂಟ್ಲಿಂ.

       ವೆದಿಕಾರ್ಯಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ವಲೇರಿಯನ್ ವೇಗಸ್, ಕಾರ್ಯದರ್ಶಿ ಶಾಲೆಟ್ ಪಾಯ್ಸ್, ಆಯೋಗ್ ಸಂಯೋಜಕಿ ಜೆಸಿಂತಾ ಫೆರ್ನಾಂಡಿಸ್, ಪರಿಸರ್ ಆಯೋಗ್ ಸಂಚಾಲಕ್ ನವೀನ್ ಡಿಸೋಜ ಹಾಜರ್ ಆಸ್‌ಲ್ಲೆ.

      ಕಥೊಲಿಕ್ ಸಭಾ ಅಧ್ಯಕ್ಷ್ ಮಾನೆಸ್ತ್ ಲೂವಿಸ್ ಮಸ್ಕರೇನಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ, ಕಾರ್ಯದರ್ಶಿ ವಿಜಯ್ ಪಾಯ್ಸಾನ್ ಧನ್ಯವಾದ್ ಪಾಟಯ್ಲೆಂ. ಮನೋಹರ್ ಲ್ಯಾನ್ಸಿ ಡಿಸೋಜನ್ ಕಾರ್ಯೆಂ ಚಲವ್ನ್ ವೆಲೆಂ.

      ವೆದಿ ಕಾರ್ಯಾ ಉಪ್ರಾಂತ್ ಇಗರ್ಜೆ ವಠಾರಾಂತ್ ಆನಿ ಕೊವೆಂತಾಚಾ ವಠಾರಾಂತ್ ಝಡಾಂ ಲಾವ್ನ್ ಅರ್ಥಬರಿತ್ ರೀತಿನ್ 'ವೃಕ್ಷ ವಂದನ್' ಕಾರ್ಯೆಂ ಚಲವ್ನ್ ವೆಲೆಂ.

Photo Gallery :  👉🏻 https://photos.app.goo.gl/CVAeGs1uxCbVurdSA