ಹ್ಯಾ ಕಾರ್ಯಾಂತ್ ಫಿರ್ಗಜ್ ವಿಗಾರ್ ತಶೆಂಚ್ ಕಥೊಲಿಕ್ ಸಭೆಚೊ ಆತ್ಮಿಕ್ ನಿರ್ದೇಶಕ್ ಬೋ|ಮಾ| ಐವನ್ ಮೈಕಲ್ ರೊಡ್ರಿಗಸ್ ಬಾಪಾನಿಂ ಸಾಂಕೇತಿಕ್ ರೀತಿನ್ ಕೊವೆಂತಾಚಾ ಆವರಣಾಂತ್ ಫಳ್‌ವಸ್ತುಚೆಂ ಝಡ್ ಲಾವ್ನ್ ವೃಕ್ಷ ವಂದನ್ ಕಾರ್ಯಾಕ್ ಚಾಲನ್ ದಿಲೆಂ. 

ತಶೆಂಚ್ ಫಿರ್ಗಜೆಚ್ಯಾ ಮುಖೆಲ್ಯಾಂಕ್ ಆನಿ 13 ವಾಡ್ಯಾಂಚಾ ಗುರ್ಕಾರಾಂಕ್ ಝಡಾಂ ವಾಂಟ್ಲಿಂ ಆನಿ ಪರಿಸರ್ ನಾಸಾದ್ವಾರಿಂ ಜಾಂವ್ಚಿ ಅನಾಹುತಾಂ ವಿಶ್ಯಾಂತ್ ಉಲೋವ್ನ್, ಸಮತೋಲಿತ್ ಪರಿಸರಾಕ್ ರೂಕ್ ಝಡಾಂ ಗರ್ಜೆಚಿಂ, ವನಮಹೋತ್ಸವ ಸಾಂಗಾತಾ ಮುಕ್ಲ್ಯಾ ದಿಸಾನಿಂ ಆಯೋಜಿತ್ ಕೆಲ್ಲೆಂ, "ಜಲಬಂಧನ್ ಕಾರ್ಯೆಂ" ಪರಿಸರಕ್ ಪೂರಕ್ ಜಾವ್ನಾಸಾ. ಹ್ಯಾ ಖಾತಿರ್ ಕಥೊಲಿಕ್ ಸಭೆಚಾ ಕಾರ್ಯಾಕ್ ಬರೆಂ ಮಾಗ್ಲೆಂ.

   ಕಾರ್ಯಕ್ರಮಾಂತ್ ಮಾ|ಬಾ| ಅಮಿತ್ ಪ್ರಕಾಶ್ ರೊಡ್ರಿಗಸ್,  ಕೊವೆಂತಾಚಿ ಸುಪೀರಿಯರ್ ಸಿ| ಜಾನೆಟ್, ಸಿ| ಮರೀನ, ಸಿ| ಆಗ್ನೆಸ್, ಪಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ಶ್ವೇತಾ ಪಾಯ್ಸ್, ಆಯೋಗ್ ಸಂಯೋಜಕ್ ತಶೆಂಚ್ ಕಥೊಲಿಕ್ ಸಭಾ ವಾರಾಡೊ ಸ್ಥಾಪಕ್ ಅಧ್ಯಕ್ಷ್ ಮಾನೇಸ್ತ್ ರೋಬರ್ಟ್ ಮಸ್ಕರೇನಸ್, ಕಥೊಲಿಕ್ ಸಭಾ ವಿಟ್ಲ ಘಟಕ್ ಅಧ್ಯಕ್ಷ್ ಲೂವಿಸ್ ಮಸ್ಕರೇನಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ನಿಕಟ್ ಪೂರ್ವ ಅಧ್ಯಕ್ಷಿಣ್ ಜೆಸಿಂತಾ  ಫೆರ್ನಾಂಡಿಸ್, ಸಾಕ್ಸ್ ಆಯೋಗ್ ಕಾರ್ಯದರ್ಶಿ ಅನಿತಾ ರೊಡ್ರಿಗಸ್, ಐಸಿವೈಯಂ ಅಧ್ಯಕ್ಷ್ ವಿನಯ್ ಡಿಸೋಜ, PRO ಆ್ಯಸ್ಟಲ್ ರೊಡ್ರಿಗಸ್ ,13 ವಾಡ್ಯಾಂಚೆ ಗುರ್ಕಾರ್, ಘಟಕ್ ಸಾಂದೆ, ಆನಿ ಫಿರ್ಗಜ್‌ಗಾರಾಂ ಹಾಜರ್ ಆಸ್‌ಲ್ಲಿಂ.

  ಕಥೊಲಿಕ್ ಸಭಾ ವಿಟ್ಲ ಘಟಕ್ ಉಪಾಧ್ಯಕ್ಷ್ ಮನೋಹರ್ ಲ್ಯಾನ್ಸಿ ಡಿಸೋಜಾನ್ ಸರ್ವಾಂಕ್ ಸ್ವಾಗತ್ ಕರ್ನ್ ಕಾರ್ಯೆಂ ಚಲವ್ನ್ ವೆಲೆಂ

Photo Gallery's:  👉🏻 https://drive.google.com/drive/folders/1cnz3xIRVSuZ9C8x3HDiw52SSDYkSlnVb?usp=sharing