ಸಿಂದಿಚ್ಯಾ ಬುದ್ವಾರಾ ತೆರಾ ವಾಡ್ಯಾಂಕ್ ದಿಲ್ಲೆ ಖುರಿಸ್ ಅಯ್ಚಾ ದಿಸಾ ತೆರಾ ವಾಡ್ಯಾಚಾ ಗುರ್ಕಾರಾಂನಿ ಪುರ್ಶಾಂವಾರ್ ವ್ಹಡಾ ಮಾನಾನ್ ಇಗರ್ಜೆ ಭಿತರ್ ಹಾಡ್ಲೆ, ವಿಗಾರ್ ಬಾಪಾನಿಂ ಖುರ್ಸಾಚೆಂ ಬೆಸಾಂವ್ ಅಮ್ಚೆರ್ ಮಾಗ್ಲೆಂ. ಉಪ್ರಾಂತ್ ಗುರ್ಕಾರಾಂನಿ ಅಲ್ತಾರಿರ್ ನಮಿರ್ಯಾಲ್ಲ್ಯಾ ಮೆಜಾರ್ ಖುರಿಸ್ ದವರ್ಲೆ.

     ಹಾಚೆ ಸವೆಂ ಯಾಜಕ್ ಬಾಪಾನಿಂ ಮಿಸಾಚೆಂ ಬಲಿದಾನ್ ಭೆಟೆಯ್ಲೆಂ. "ಅಮಿಂ ಪಾತ್ಕಿ ತರೀ ದೇವ್ ಅಪ್ಲೊ ವಿಶ್ವಾಸಿ ಮೋಗ್ ದಾಕಾಯ್ತಾ, ಅಮ್ಚಿ ಸೊಡ್ವೊಣ್ ಕರ್ತಾ" ಮ್ಹಳ್ಳೊ ಸಂದೇಶ್ ದೆವಾಚಾ ಉತ್ರಾಂ ವಯ್ರ್ ದಿಲೊ.

     ಮಿಸಾ ಉಪ್ರಾಂತ್ ಜೆಜುಚ್ಯಾ ಕಶ್ಟಾಂಚಾ ಪಾಶಾಂವಾಚೊ ನಿಯಾಳ್ ಜಾವ್ನ್ ಪರ್ಗಟ್ ಖುರ್ಸಾವಾಟ್ ವಾಡ್ಯಾಗಾರಾಂ ಆನಿ ಸಂಘಸಂಸ್ಥ್ಯಾಚಾ ಸಾಂದ್ಯಾಚಾ ಸಹಕಾರಾನ್ ವ್ಹಡ್ ಭಕ್ತಿಪಣಾನ್ ಚಲೊವ್ನ್ ವೆಲೆಂ.

ಫಿರ್ಗಜ್ ಕುಟಾಮ್ ಎಕ್ ಜಾವ್ನ್  ವ್ಹಡ್ ಭಕ್ತಿಪಣಾನ್ ಖುರ್ಸಾವಾಟೆಂತ್ ವಾಂಟೊ ಘೆತ್ಲೊ.

Photo Gallery:  👉🏻 https://drive.google.com/drive/folders/188vRiBeltbtZY0a6ozn9SQ4rVi-ehFAD?usp=sharing