ದುಸ್ರಾ ಮಿಸಾಚಿ ಲಿತುರ್ಜೆಂತ್ ಭಕ್ತಿಪಣಿಂ ವಾಂಟೊ ಘೆವ್ನ್, ಸರ್ವ್ ಸ್ತ್ರೀಯಾನಿಂ ಕಾಣಿಕೊ ಅರ್ಪಿಲ್ಯೊ.

   ಮಿಸಾ ಉಪ್ರಾಂತ್ ವೆದಿ ಕಾರ್ಯಾಂತ್, ಕಾರ‌್ಯಾಚೊ ಅಧ್ಯಕ್ಷ್ ಬೊ|ಮಾ|ಬಾ| ಐವನ್ ಮೈಕಲ್ ರೋಡ್ರಿಗಸ್,  ಮುಖೆಲ್ ಸಯ್ರೆ ಡಾ. ವೆನಿಟ ರೋಶಲ್ ಫೆರ್ನಾಂಡಿಸ್, ಸಾಂ. ಪಾವ್ಲ್ ಕಾನ್ವೆಂಟಾಚಿ ಸುಪೀರಿಯರ್ ರೆಮಿಡಿಯ ಗೋಮ್ಸ್,  ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್, ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಶ್ರೀಮತಿ ಶ್ವೇತಾ ಪಾಯ್ಸ್, ವಾರಾಡೊ ಸ್ತ್ರೀ ಸಂಘಟನಾಚಿ ಅಧ್ಯಕ್ಷಿಣ್  ಮರ್ಲಿನ್ ವೇಗಸ್, ಎಕ್ತಾರ್ ಆಯೋಗ್ ಪಂಗ್ಡಾಚೊ ಸಂಚಾಲಕ್ ಮಾನೆಸ್ತ್ ಪ್ರಾನ್ಸಿಸ್ ಮಸ್ಕರೇನಸ್ ವೆದಿಚೆರ್ ಹಾಜರ್ ಅಸ್‌ಲ್ಲೆ. 

  ಸಹ ಕಾರ್ಯದರ್ಶಿ ಶ್ರೀಮತಿ ಜೆಸಿಂತಾ ಮಸ್ಕರೇನಸಾನ್ ವರ್ದಿ ವಾಚ್ಲಿ. ವಿಗಾರ್ ಬಾಪಾನಿಂ ತಶೆಂಚ್ ಮಾನಾಚಾ ಸಯ್ರ್ಯಾನಿಂ ಬರೆಂ ಮಾಗ್ಲೆಂ ಆನಿ ಶುಭಾಶಯ್ ಪಾಠಯ್ಲೆಂ. 

ಸಂಪನ್ಮೂಲ್ ವ್ಯಕ್ತಿ ಡಾ. ವೆನಿಟ ರೋಶಲ್ ಫೆರ್ನಾಂಡಿಸಾನ್ ಸ್ತ್ರೀಯಾಂಚಾ ಭಲಾಯ್ಕೆ ವಿಶ್ಯಾಂತ್ ಮಾಹೆತ್ ದಿಲಿ. 

ಉಪ್ರಾಂತ್ ಸಂಘಟನಾಚ್ಯಾ ಸಾಂದ್ಯಾ ಥಾವ್ನ್ ಖೆಳ್ ಆನಿ ಸಾಂಸ್ಕೃತಿಕ್ ಕಾರ್ಯೆಂ ಮಾಂಡುನ್ ಹಾಡ್‌ಲ್ಲೆಂ. ಖೆಳಾಂತ್ ವಿಜೇತಾಂಕ್ ಬಹುಮಾನ್ ವಿತರಣ್ ಕೆಲೆಂ. ತಶೆಂಚ್ ಸಂಪನ್ಮೂಲ್ ವ್ಯಕ್ತಿಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ.

     ಘಟಕಾಚಿ ಅಧ್ಯಕ್ಷಿಣ್ ಶ್ರೀಮತಿ ಮೀರಾ ಗೊನ್ಸಾಲ್ವಿಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಶ್ರೀಮತಿ ಲತಿಶಿಯಾ ಲೋಬೊನ್ ಧನ್ಯವಾದ್ ಪಾಟಯ್ಲೆಂ. ಶ್ರೀಮತಿ ಅನಿತಾ ರೋಡ್ರಿಗಸಾನ್ ಕಾರ್ಯೆಂ ಚಲೊಂವ್ನ್ ವೆಲೆಂ. ಸಂಭ್ರಮಾಚ್ಯಾ ಜೆವ್ಣಾ ಸವೆಂ ಕಾರ‌್ಯೆಂ ಅಖೇರ್ ಕೆಲೆಂ.

Photo Gallery:  👉🏻https://photos.app.goo.gl/nrBWM44pZbY6VnRR6