ಯುವ ಎಕ್ತಾರ್

ಯುವ ತಾರಾಂ ಖಾತಿರ್ ಏಕ್ ದೀಸ್ 

18-08-2024 

Vittla August 18th 2024 : 

ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್, ಸಾಂ. ಜುವಾಂವ್ ಪಾವ್ಲ್ ದುಸ್ರೊ, ವಿಟ್ಲ ವಾರಾಡ್ಯಾಚ್ಯಾ ಮುಖೆಲ್ಪಾಣಾರ್ ಯುವ ಎಕ್ತಾರ್ - ಯುವ ತಾರಾಂ ಖಾತಿರ್ ಏಕ್ ದೀಸ್ ಕಾರ್ಯೆಂ ದಿನಾಂಕ್ 18/8/2024 ವೆರ್ ಅಯ್ತಾರಾ ವಿಟ್ಲ ಇಗರ್ಜೆಚ್ಯಾ ಶತಮಾನೋತ್ಸವ್ ಸ್ಮಾರಕ್ ಸಮುದಾಯ್ ಸಭಾ ಭವನಾಂತ್ ವಿಟ್ಲ ಘಟಕಾಚ್ಯಾ ಸಹಕಾರಾನ್ ಸಗ್ಳ್ಯಾ ದಿಸಾಚೆಂ ಕಾರ್ಯೆಂ ಮಾಡುನ್ ಹಾಡ್ಲೆಂ. ವಾರಾಡೊ ಅಧ್ಯಕ್ಷ್ ಪ್ರಿತೇಶ್ ಲೋಬೊನ್ ಸ್ವಾಗತ್ ಕೆಲೆಂ.

ಪ್ರಾಥ೯ನ್ ಗೀತ್ ಕುಮಾರಿ ರೆನಿಶಾ ರೊಡ್ರೀಗಸ್ ಅನಿ ಅವಿಲ್ ರೊಡ್ರೀಗಸಾನ್ ಪ್ರಾರ್ಥನಾ ಗೀತ್ ಗಾವ್ನ್ ಕಾರ್ಯೆಂ ಆರಂಭ್ ಕೆಲೆಂ. ತಶೆಂಚ್ ಯುವ ಎಕ್ತಾರಾಚೆಂ ಬ್ಯಾನರ್ ಉಗಡ್ನ್ ಕಾರ್ಯೆಂ ಉದ್ಘಾಟನ್ ಕೆಲೆಂ.

ವಾರಾಡ್ಯಾಂತ್ಲೊ ಯುವ ನಿತಿಕತ್೯ (Judge), ಅದ್ಲೊ ICYM ಕೇಂದ್ರೀಯ್ ಸಮಿತಿಚೊ ಅದ್ಯಕ್ಷ್ ಮಾನೆಸ್ತ್ ಅನಿಲ್ ಜೋನ್ ಸಿಕ್ವೇರಾ ಹಾಂಕಾ ಸನ್ಮಾನ್ ಕೆಲೊ. ಅನಿ ತಾಂಚಾ ಸಾದನಾಕ್ ಶಾಭಸ್ಕಿ‌ ಪಾಟಯ್ಲಿ. ಕಾರ್ಯಚೊ ಅಧ್ಯಕ್ಷ್, ವಾರಾಡೊ ವಿಗಾರ್‌ವಾರ್ ಬೊ|ಮಾ|ಬಾ ಐವನ್ ಮೈಕಲ್ ರೊಡ್ರೀಗಸ್ ಬಾಪಾನಿಂ ಯುವಜಾಣಾಂಕ್ ಬರೆಂ ಮಾಗ್ಲೆಂ ಅನಿ ಯುವ ನಿತಿಕತ್೯ (Judge) ಅನಿಲ್ ಜೋನ್ ಸಿಕ್ವೇರಾಚೆಂ ಸಾದನ್ ಯುವಜಣಾನಿಂ ದೇಖ್ ಜಾವ್ನ್ ಘೆವ್ನ್ ವಿವಿಧ್ ಕ್ಷೇತ್ರಾನಿಂ ಸಾದನ್ ಕರುಂಕ್ ಉಲೊ‌ ದಿಲೊ. ಕಾರ್ಯದರ್ಶಿ ರಿತೆಶ್ ಲೋಬೊನ್ ದನ್ಯವಾದ್ ಪಾಟೊವ್ನ್ ವೆದಿ ಕಾರ್ಯೆಂ ಸಂಪಯ್ಲೆಂ.

ವಿಟ್ಲ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ವಿಜಯ್ ಪಾಯ್ಸ್, ಕಾರ್ಯದರ್ಶಿ ತೋಮಸ್ ಮಸ್ಕರೇನಸ್, ಆಯೊಗ್ ಸಂಯೋಜಕ್ ಮಾನೆಸ್ತ್ ಲೂವಿಸ್ ಮಸ್ಕರೇನಸ್, ಐಸಿವೈಯಂ ವಾರಾಡೊ ಅಧ್ಯಕ್ಷ್ ಪ್ರಿತೇಶ್ ಲೋಬೊ, ಕಾರ್ಯದರ್ಶಿ ರಿತೇಶ್ ವಿಜಯ್ ಲೊಬೊ, ಘಟಕ್ ಅದ್ಯಕ್ಷ್ ವಿಲ್ಸನ್ ಡಿಸೋಜಾ ಹಾಜರ್ ಆಸ್‌ಲ್ಲೆ.

ವೆದಿ ಕಾರ್ಯಾ ಉಪ್ರಾಂತ್ ಮಾನೆಸ್ತ್ ಆಂತೋನಿ ಪಿಂಟೊ ಹಾಂಚೆ ಥಾವ್ನ್ ಯುವಜಣಾನಿಂ Personal Financial Management ವಿಶ್ಯಾಂತ್ ಬರ್ಪೂರ್ ಮಾಹೆತ್ ಅಪ್ಣಾಯ್ಲಿ. ದೊನ್ಪಾರಾಂ ಮೀಸ್, ಉಪ್ರಾಂತ್ ಜೆವಾಣ್, ದೊನ್ಪಾರಾಂ ಉಪ್ರಾಂತ್ ಸೋಶಿಯಲ್ ಮೀಡಿಯಾಚೆಂ ಸಾದಕ್ ಬಾದಕಾ ವಿಶ್ಯಾಂತ್ ಮಾ|ಬಾ| ರಿಚ್ಚಾಡ್೯ ಡಿ'ಸೋಜಾ ಹಾಣಿಂ ಸಮ್ಜೊಣಿಂ ದಿಲಿ. ಉಪ್ರಾಂತ್ ಮನೋರಂಜಿತ್ ಟೀಮ್ ಜಾಸ್ಮಿನ್ ವೇಗಸ್, ಅನಿಲ್ ಸಿಕ್ವೇರಾ, ವಾರಾಡೊ ನಿಕಟ್ ಪೂರ್ವ್ ಅಧ್ಯಕ್ಷ್ ಪ್ರವೀಣ್ ಖೆಳ್ ಖೆಳಯ್ಲೆ. ಖೆಳ್ ಖೆಳೊನ್ ಸಮಾರೊಪ್ ಕಾರ್ಯಾಂತ್ ಜಿಕ್ಲೆಲ್ಯಾಂಕ್ ಬಹುಮಾನ್ ವಿತರಣ್ ಕೆಲೆಂ.

ಮೊಗಾರ್ನಾಡ್ ಘಟಕಾಚೆ 46 ಜಣ್ ಸಾಂದೆ ಹಜಾರ್ ಜಾವ್ನ್ ಚಾಂಪಿಯನ್ ಟ್ರೋಫಿ ಅಪ್ಣಾಯ್ಲಿ. ಧ್ಯೇಯ್ ಗೀತ್ ಗಾವ್ನ್ ಹೆಂ ಕಾರ್ಯೆಂ ಸಂಪಯ್ಲೆಂ. ಸಗ್ಳೆಂ ಕಾರ್ಯೆಂ ಮೆಲ್ವೀಟಾ ಮೊಗಾನಾ೯ಡ್ ಮೆಲಿಟಾ ಬೊರಿಮಾರ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ.

Read More : https://www.icymmangalore.com/news/10-deanery-parish-news/423-vittla-deanery/3787