ಜೆಜುಚ್ಯಾ ಜಲ್ಮಾಚ್ಯಾ ಜುಬ್ಲೆವ್ ವರ್ಸಾ ಭರ್ವಶ್ಯಾಚಿ ಯಾತ್ರಿಕಾಂ ಜಾವ್ನ್  ದಿನಾಂಕ್ 17-08-2025 ವೆರ್ ಐ.ಸಿ.ವೈ.ಎಮ್ ವಿಟ್ಲ ಘಟಕ್ ಅನಿ ಯುವ ಆಯೋಗಾಚ್ಯಾ ‌ಸಾಂಗಾತ್ಪಣಾರ್ "ಯುವ ಪರ್ಜಳ್ ತಶೆಂಚ್ ಪಾವ್ಸಾ ಖೆಳ್ " ಕಾರ್ಯೆಂ ಮಾಂಡುನ್ ಹಾಡ್ಲೆಂ.

    ಸಕಾಳಿಂ ಸಾತ್ ವರಾಂಚ್ಯಾ ಪವಿತ್ರ್ ಮಿಸಾಚ್ಯಾ ಬಲಿದಾನಾಚಿ ದೇವ್ ಸ್ತುತಿ ಚಲೊವ್ನ್ ವರ್ಚೆ ಮಾರಿಫಾತ್ ಕಾಣಿಕೊ ಅರ್ಪುನ್ ಭಕ್ತೀನ್ ವಾಂಟೊ ಘೆತ್ಲೊ.     

  ಪವಿತ್ರ್ ಮಿಸಾಚ್ಯಾ ಬಲಿದಾನಾಚೆ ಪ್ರಧಾನ್ ಯಾಜಕ್ ಜಾವ್ನ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ ಹಾಣಿಂ ಯುವಜಣಾನಿಂ ಕ್ರೀಸ್ತೀ ಭಾವಾಡ್ತಾಂತ್ ವಾಡೊನ್ ವ್ಹಡಿಲಾಂಕ್ ಖಾಲ್ ಜಾವ್ನ್ ಸಮಾಜೆಂತ್ ಬರೆ ಮುಕೆಲಿ ಜಾವ್ನ್ ಬರೆಂ ಭವಿಷ್ಯ್ ಆಪ್ಣಾಂವ್ಕ್ ಉಲೊ ದಿಲೊ.

  ಉಪ್ರಾಂತ್ ಸಮುದಾಯ್ ಸಭಾಭವನ್ ಹಾಂಗಾಸರ್ 9:೦೦ ವೊರಾರ್ ಉದ್ಘಾಟನ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ.   ಕಾರ್ಯಾಚಿ ಸುರ್ವಾತ್ ಬ್ಯಾನರ್ ಉಗ್ತಾವಣ್ ಕರ್ಚ್ಯಾ ಮುಖಾಂತ್ರ್ ಕೆಲೆಂ.

     ವೆದಿ ಕಾರ್ಯಾಕ್ ಫಿರ್ಗಜೆಚ್ಯೆ ವಿಗಾರ್ ಬೊ|ಮಾ|ಬಾ| ಐವನ್ ಮೈಕಲ್ ರೊಡ್ರಿಗಸ್ ,ಐ.ಸಿ. ವೈ.ಎಮ್ ಚೆ ದಿರೆಕ್ತೊರ್ ಮಾ|ಬಾ|ಅಮಿತ್ ರೊಡ್ರಿಗಸ್, ಸಂಪನ್ಮೂಲ್ ವ್ಯಕಿ ಮಾನೆಸ್ತ್ ವಿನ್‌ಸ್ಟನ್ ಅನಿಲ್ ಲೋಬೊ, ಉಪಾಧ್ಯಕ್ಷ್ ವಿಜಯ್ ಪಾಯ್ಸ್,ಎಕ್ವೀಸ್ ಆಯೋಗಾಚೊ ಸಂಯೋಜಕ್ ರೋಬರ್ಟ್ ಮಸ್ಕರೇನಸ್,  ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ತಶೆಂಚ್ ಯುವ ಆಯೋಗ್ ಸಂಚಾಲಕ್ ಪ್ರಾನ್ಸಿಸ್ ಮಸ್ಕರೇನಸ್, ಸಚೇತಕಿ ಶರಲ್ ವಾಸ್ ,ಅದ್ಲೊ ಐ.ಸಿ. ವೈ.ಎಮ್ ಸಚೇತಕ್ ತೋಮಸ್ ಮಸ್ಕರೇನಸ್,  ವಾರಾಡೊ ಐ.ಸಿ. ವೈ.ಎಮ್  ಅಧ್ಯಕ್ಷ್ ದಿಲ್ರೊಯ್ ಮಸ್ಕರೇನಸ್ , ವಿಟ್ಲ ಘಟಕ್ ಅಧ್ಯಕ್ಷ್ ವಿನಯ್ ಡಿಸೋಜ, ಕಾರ್ಯದರ್ಶಿ ಕೆವಿನ್ ಪಿಂಟೊ ಹಾಜರ್ ಆಸ್‌ಲ್ಲೆ.

   ಹ್ಯಾ ವೆಳಾರ್ ಪಾಟ್ಲ್ಯಾ ಸಭಾರ್ ವರ್ಸಾನಿಂ ಐ.ಸಿ.ವೈ.ಎಮ್ ಸಚೇತಕ್ ಜಾವ್ನ್ ಸೇವಾ ದಿಲ್ಯಾ ಮಾನೆಸ್ತ್ ತೋಮಸ್ ಮಸ್ಕರೇನಸ್ ಹಾಂಕಾ ಮಾನ್ ಕೆಲೊ. 

  ಉಪ್ರಾಂತ್ ಸಂಪನ್ಮೂಲ್ ವ್ಯಕ್ತಿ ಮಾನೆಸ್ತ್  ವಿನ್‌ಸ್ಟನ್ ಲೋಬೊ ಹಾಣಿಂ ಒತ್ತಡ್ ಕಶೆಂ ನಿಯಂತ್ರಣ್  ಕರ್ಚೆಂ, ಆಮ್ಚೆಂ ವ್ಯಕ್ತಿತ್ವ್ ಕಶೆಂ ವಿಕಾಸನ್ ಕರ್ಚೆಂ ,ಸಮಾಜೆಂತ್ ಮುಕೆಲಿ ಜಾವ್ನ್ ಆಮ್ಚೊ ಪುಡಾರ್ ಆನಿ ಬರೆಂ ಭವಿಷ್ಯ್ ಕಶೆಂ ಬಾಂದುನ್ ಹಾಡ್ಚೆಂ ಹ್ಯಾ ವಿಷಯಾಚೆರ್ ಸವಿಸ್ತಾರ್ ರೀತಿನ್ ಯುವಜಣಾಂಕ್ ಮಾಹೆತ್ ದಿಲಿ.  ಉಪ್ರಾಂತ್ ಪಂಗಡ್ ಕರ್ನ್ ವೆಳಾಚೊ ಉಪಯೋಗ್ ಕಸೊ ಕರ್ಚೊ ಹ್ಯಾ ದಿಶೆನ್ ಥೊಡೆ ಖೆಳ್ ಚಲವ್ನ್ ವೆಲೆ. 

   ದೊನ್ಪರಾಂ ಉಪ್ರಾಂತ್ ಮನೋರಂಜನ್ ಪಾವ್ಸಾ ಖೆಳ್ ಚಲವ್ನ್ ವೆಲೆ.

   ಅಧ್ಯಕ್ಷ್ ವಿನಯ್ ಡಿಸೋಜಾನ್ ಸರ್ವಾಂಕ್ ಸ್ವಾಗತ್ ಕೆಲೆಂ ಆನಿ ಕಾರ್ಯದರ್ಶಿ ಕೆವಿನ್ ಪಿಂಟೊನ್ ಸರ್ವಾಂಕ್ ದನ್ಯಾವಾದ್ ಪಾಠಯ್ಲೆಂ . ವಿನಿಶಾ ಪಾಯ್ಸ್  ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ. 

    ಅಶೆಂ ಸರ್ವಾಂಚ್ಯಾ ಸಹಕಾರಾನ್ ಏಕಾ ದಿಸಾಚೆಂ ಯುವ ಪರ್ಜಳ್ ಕಾರ್ಯಕ್ರಮ್ ಭೋವ್ ಅರ್ಥಭರಿತ್ ರೀತಿನ್ ಸಂಪ್ಲೆ.

    Photo Gallery's:  👉🏻 https://drive.google.com/drive/folders/1zX6hhHCjI-Rwd9sf5ND9e287k18gNHIS?usp=sharing